ინგლისური კლუბის “მანჩესტერ იუნაიტედის” თავდამსხმელი კრიშტიანუ რონალდუ გუნდს ამ კვირაში დატოვებს.
ამის შესახებ სპორტული გამოცემა AS -ი წერს.
კრიშტიანუ რონალდუს აგენტი, ხორხე მენდესი მოლაპარაკებებს აწარმოებდა ესპანურ “ბარსელონასთან”, ინგლისურ “ჩელსისთან”, გერმანულ “ბაიერნსა” და იტალიურ “ნაპოლისთან”.
თუმცა, როგორც გამოცემა წერს, ამ კლუბებმა რონალდუს მიმართ სათანადო ინტერესი არ გამოავლინეს.
7 აგვისტოს ინგლისის პრემიერლიგის ჩემპიონატი იწყება, ამ დღეს “მანჩესტერ იუნაიტედი” შინ “ბრაიტონს” დაუპირისპირდება.
სავარაუდოდ, პორტუგალიელი თამაშში მონაწილეობას არ მიიღებს.