“ჩემდა გასაკვირად, “ოცნებამ” დასავლეთს გაუბედა და ომის სცენარზე უარი თქვა – ეს ნაბიჯი მას ძვირად უჯდება” – ირაკლი გოგავა

“ჩემდა გასაკვირად, “ოცნებამ” დასავლეთს გაუბედა და ომის სცენარზე უარი თქვა – ეს ნაბიჯი მას ძვირად უჯდება” – ირაკლი გოგავა

ქვეყანაში მოსახლეობის 80%-ზე მეტი ნაცების და ნეოლიბერალური ჯგუფების წინააღმდეგია. ამავე დროს ეს მარგინალური ჯგუფები “ოცნების” ოპონენტებს წარმოადგენენ”- წერს სოციალურ ქსელში ექსპერტი ირაკლი გოგავა

გამოდის, რომ მოსახლეობის უდიდეს ნაწილს და “ოცნებას” ერთი და იგივე ოპონენტი ჰყავს. ამავე დროს არ მოგვწონს “ოცნების” პოლიტიკა, თუმცა აქვე ვაღიარებთ, რომ ნაცებისგან განსხვავებით, კანიბალები არ არიან.

30 აპრილის აქცია “ოცნებას” აწყობს, რადგან იცის, რომ ხალხის მთავარი სამიზნე ნაცები და ნეოლიბერალები იქნებიან.

სწორედ ისინი აწერენ ხელს უცხოეთიდან წამოსულ საქართველოს ომში ჩართვის და მეორე ფრონტის გახსნის სცენარს.

ჩემდა გასაკვირად, “ოცნებამ” დასავლეთს გაუბედა და ომის სცენარზე უარი თქვა. ეს ნაბიჯი მას ძვირად უჯდება – დასავლეთმა მათი ხელისუფლების რევოლუციური ანუ ძალადობრივი გზით შეცვლის სცენარი, წლების განმავლობაში მსუყედ გამოკვებილი ფსევდო სამოქალაქო სექტორის, მოსყიდული მედიის, დანიშნული ცრუ “ელიტის” და უპრინციპო, ანგარებიანი პოლიტიკანების მეშვეობით, ამოქმედდა.

გამოდის, რომ ომის და მშვიდობის საკითხში ხალხი და “ოცნება” სიტუაციური მოკავშირეები არიან. იქ სადაც ომის და მშვიდობის საკითხი დგას, ყველა სხვა პრობლემა მეორადია, მოაზროვნე ხალხს ეს გვესმის. ომი ჩვენთვის მიუღებელია, რადგან უზარმაზარ მსხვერპლს მივიღებთ და ქართული სახელმწიფო აღარ იქნება.

“ოცნებამ”, დასავლეთმა და ნაცებმა ბევრი იმუშავეს, რომ საზოგადოებაში რეალური ორგანიზებული ძალა არ გაჩნდეს. თუ რამე ძალა აღმოცენდება სამივე მხრიდან მიდის უმოწყალო დისკრედიტაცია. გამოცდილება გვაჩვენებს, რომ მიდგომა “ოღონდ ესენი წავიდნენ და ვინც გინდა მოვიდეს” უპირობოდ უარესს შედეგს მოიტანს. გამოსავალი მხოლოდ ერთია: საზოგადოებამ უნდა მოახერხოს, რომ უახლოეს მომავალში შექმნას ისეთი ძალა, რომელიც ხელისუფლების რეალური ალტერნატივა გახდება – ეს ნაწილობრივ არსებული შინაარსობრივად ჯანმრთელი ჯგუფების კონსოლიდაციასაც გულისხმობს. ასეთი სიტუაციაა დღეს.

30 აპრილის აქციაზე მისვლა, ჩემი აზრით, აუცილებელია, რადგან პირველ რიგში, უცხოეთს უნდა დავანახოთ, რომ საქართველოს ომში ჩართვას და კანიბალი ნაც-ბოლშევიკ-ნეოლიბერალების ხელისუფლებაში მოსვლას არ დავუშვებთ. ასევე აუცილებელია “ოცნების” მწვავე კრიტიკა, რათა მათ არ მივცეთ საშუალება გარედან თავსმოხვეულ, ნეოლიბერალურ ანუ ქვეყნისთვის დამღუპველ გზას გაჰყვნენ. ხელისუფლება უნდა ვაიძულოთ , რომ ყველა მნიშვნელოვან საკითხზე აზრი ხალხს ჰკითხოს. ამის გაკეთება პლებისციტური დემოკრატიით შეიძლება, რაც დემოკრატიის უმაღლესი ფორმაა და შვეიცარიაში ეფექტურად მუშაობს,”-წერს ირაკლი გოგავა

https://www.facebook.com/irakli.gogava.5/posts/pfbid0RMSkPqzhkBCSwFkYoPWoN2Pq3rpgH5WH8RDh5FpM5g1mL48GYXDD2frmdTC8RMLCl