იანვარი-აგვისტოს პერიოდში საქართველომ ტურიზმიდან $2.1 მილიარდი შემოსავალი მიიღო

ტურიზმის ეროვნული ადმინისტრაცია აგვისტოს თვის  შემოსავლების სტატისტიკურ მონაცემებს  აქვეყნებს, რომლის თანახმადაც, 2022 წლის აგვისტოს თვეში  მოგზაურობიდან მიღებულმა შემოსავალმა,  უკვე მეორედ პანდემიის შემდეგ, 2019 წლის მაჩვენებელს გადააჭარბა.

აგვისტოს თვეში  შემოსავალმა 522,945,221  აშშ. დოლარი შეადგინა, რაც 2019 წლის ანალოგიურ მაჩვენებელს +26.7% აჭარბებს, (110,158,684  აშშ დოლარი), 2021 წლის აგვისტოს თვესთან  შედარებით მოგზაურობიდან შემოსავლები გაზრდილია  324,158,964  (+163.1%)  აშშ დოლარით.
2022 წლის იანვარი-აგვისტოს თვეში საერთაშორისო მოგზაურობიდან (ტურიზმიდან) საქართველომ 2.1 მილიარდი დოლარის შემოსავალი მიიღო
იანვარი-აგვისტოს პერიოდში  მოგზაურობიდან მიღებულმა შემოსავალმა  2,141,568,321  აშშ. დოლარი შეადგინა, რაც 2019 წლის მაჩვენებლის 94.6%  აღდგენაა. 2021 წლის იანვარი-აგვისტოს თვესთან  შედარებით მოგზაურობიდან შემოსავლები გაზრდილია 1,437,776,241 (+204.3%) აშშ დოლარით.