იცით, რა მოხდა საქართველოში? 2012 წელს პუტინს ძალიან გაუმართლა, რადგან მან წააგო ომი, მაგრამ მოიგო არჩევნები და საქართველოში არ მოუწია არანაირი საომარი მოქმედებების წარმოება, – ამის შესახებ საქართველოს შინაგან საქმეთა ყოფილმა მინისტრმა, ვანო მერაბიშვილმა მარკ ფეიგინის გადაცემა „ფეიგინ ლაივში“ განაცხადა.
მისი თქმით, „ფაქტი, რომ უკრაინაში რუსეთს არ აქვს პოლიტიკური გამარჯვების შანსი, უკრაინის რეალური დამოუკიდებლობის გარანტიაა. ჩვენ მომავალში უნდა მივაღწიოთ ამას“.
„იცით, რა მოხდა საქართველოში?! 2012 წელს პუტინს ძალიან გაუმართლა, რადგან მან წააგო, ვერ მოიგო ომი, მაგრამ მოიგო არჩევნები. იმიტომ, რომ როდესაც თქვენთან მორიგი რევოლუცია მოხდა და მან დაკარგა პრეზიდენტი იანუკოვიჩი, იძულებული გახდა, დაეწყო ასეთი აგრესიული ომი. საქართველოში მას არ მოუწია არანაირი საომარი მოქმედებების წარმოება, რადგან არჩევნებში მოიგო. ეს ფაქტი, რომ უკრაინაში რუსეთს არ აქვს პოლიტიკური გამარჯვების შანსი, უკრაინის რეალური დამოუკიდებლობის გარანტიაა. ჩვენ მომავალში უნდა მივაღწიოთ ამას“, – განაცხადა ვანო მერაბიშვილმა.