ურსულა ფონ დერ ლაიენი კიევში ჩავიდა

ევროკომისიის პრეზიდენტი, ურსულა ფონ დერ ლაიენი უკრაინაში ჩავიდა, – ამის შესახებ ინფორმაციას თავად ევროკომისიის ხელმძღვანელი ავრცელებს.

„ომის დაწყების შემდეგ ჩემი მესამე ვიზიტი კიევში. რამდენი რამ შეიცვალა. უკრაინა ახლა ევროკავშირის წევრობის კანდიდატია“, – წერს ურსულა ფონ დერ ლაიენი „ტვიტერში“.

მისივე თქმით, უკრაინის პრეზიდენტთან, ვოლოდიმირ ზელენსკისთან და პრემიერ-მინისტრთან, დენის შმიგალთან შეხვედრების დროს ევროკავშირისა და უკრაინის ეკონომიკებისა და ხალხების დაახლოების საკითხებს განიხილავს.

შეგახსენებთ, ევროკომისიის პრეზიდენტმა კიევში ვიზიტი გუშინ დააანონსა.