საქართველოს საგარეო საქმეთა სამინისტრომ ალექსანდრ ლუკაშენკოს ოკუპირებულ აფხაზეთში ჩასვლის გამო, ბელარუსის მხარეს დამატებითი განმარტებები მოსთხოვა.
ინფორმაციას საქართველოს საგარეო საქმეთა სამინისტრო ავრცელებს.
„საქართველოს საგარეო საქმეთა სამინისტროში პროტესტის ნიშნად საქართველოში ბელორუსის ელჩი ანატოლი ლისი დაიბარეს.
ელჩთან შეხვედრა ბელარუსის რესპუბლიკის პრეზიდენტის ალექსანდრ ლუკაშენკოს ოკუპირებულ აფხაზეთში ვიზიტთან და საოკუპაციო
რეჟიმის წარმომადგებლებთან შეხვედრას შეეხებოდა.
ქართულმა მხარემ უკიდურესი შეშფოთება გამოთქვა აღნიშნულის გამო და ბელარუსის მხარეს დამატებითი განმარტებები მოთხოვა“, – აცხადებენ სამინისტროში.
ბელარუსის პრეზიდენტი ალექსანდრ ლუკაშენკო დღეს ოკუპირებულ აფხაზეთში ჩავიდა, სადაც ოკუპირებული აფხაზეთის დე ფაქტო პრეზიდენტ ასლან ბჟანიას შეხვდა.
ბელარუსული მედიის თანახმად, ლუკაშენკოს ინიციატივით, განხილვის მთავარი თემები სავაჭრო-ეკონომიკური ურთიერთობების გაღრმავება და თანამედროვე გამოწვევები იყო. აღსანიშნავია, რომ ბელარუსს ოკუპირებული აფხაზეთის დამოუკიდებლობა აღიარებული არ აქვს.