ეროვნული თანხმობის მთავრობა „ქართული ოცნების“ გარეშე უნდა შედგეს, პარტია კი საერთოდ უნდა აიკრძალოს – დავით ჭიჭინაძე

ვინც დღეს „ქართულ ოცნებას“ მოლაპარაკებაში ისევ გაჰყვება, ისინი „ოცნების“ ყველა დანაშაულის თანამონაწილე ხდებიან, რადგან ეს სხვა არაფერი იქნება, თუ არა ამდენი გულანთებული ადამიანის ისევ მოტყუება, – ამის შესახებ “ტრიბუნას“ ლიდერმა, დავით ჭიჭინაძემ განაცხადა.

მისი თქმით, ეროვნული თანხმობის მთავრობა „ოცნების“ გარეშე უნდა შედგეს.

„არც იმას დაიჯერებს არავინ, რომ ამ 10-11 წლის შემდეგ ივანიშვილი ერთ მშვენიერ დღეს გადაკეთდება, კობახიძე-ღარიბაშვილი თუნდაც კუჭავა-თალაკვაძით რომ ჩაანაცვლოს. ან იმის ვის სჯერა, რომ თუნდაც დეოლიგარქიზაცია მოხდება?! ამიტომ ვამბობ, რომ ეროვნული თანხმობის მთავრობა „ოცნების“ გარეშე უნდა შედგეს, პარტია „ქართული ოცნება“ კი საერთოდ უნდა აიკრძალოს,“ – აცხადებს დავით ჭიჭინაძემ.