გარემოს ეროვნული სააგენტო, მომდევნო დღეებში მოსალოდნელ ამინდთან დაკავშირებით, პროგნოზს აქვეყნებს.
„19 აგვისტომდე საქართველოს ტერიტორიაზე ჰაერის მაღალი ტემპერატურა (34, 39 გრადუსი) შენარჩუნდება. 15 აგვისტოს მთიან რეგიონებში, ჰაერის მაღალ ტემპერატურასთან ერთად, ზოგან, ძლიერი ქარიცაა მოსალოდნელი, რაც ტყის ხანძრების გაჩენის ხელშემწყობ პირობებს შექმნის“, – აღნიშნულია სააგენტოს განცხადებაში.