თელ ავივში გამართული ანტისამთავრობო აქცია დემონსტრანტებსა და პოლიციელებს შორის დაპირისპირებაში გადაიზარდა. ისრაელის საპოლიციო ძალებმა აქციის დასაშლელად წყლის ჭავლი გამოიყენეს. დაკავებულია აქციის სამი მონაწილე.
მედიის ცნობით, აქციის, სულ მცირე, ერთ მონაწილეს სამედიცინო დახმარების აღმოჩენა დასჭირდა.
დემონსტრანტები ისრაელში ახალი არჩევნების ჩატარებას და ღაზაში მყოფი მძევლების გათავისუფლებას ითხოვდნენ.
ამასთან, აქციის მონაწილეებმა პრემიერ-მინისტრი ბენიამინ ნეთანიაჰუ დაადანაშაულეს, რომ მას არ სურს „ჰამასთან“ ცეცხლის შეწყვეტის შეთანხმების მიღწევა, რაც მძევლების გათავისუფლებას ითვალისწინებს.