“რატომ მიდიან თვითგანადგურებაზე სომხები, – რის სანაცვლოდ? რა შანსი აქვს დასავლეთს სამხრეთ კავკასიაში? განსაკუთრებით იდიოტებისთვის “- ამის შესახებ სოციალურ ქსელში ექსპერტი დემურ გიორხელიძე წერს.
რატომ განალაგა ირანმა ჯარები აზერბაიჯანის საზღვართან?! რა დიდი გეოპოლიტიკური მიზნებია დაპირისპირებული სამხრეთ კავკასიაში?! რატომ სურთ თურქეთსა და ისრაელს თურქეთ-აზერბაიჯანის საზღვრის არსებობა, რაც, ცხადია, სომხეთის ხარჯზე შეიძლება გაკეთდეს (ამ კონტექსტში იხ. ჩემი წინა კომენტარი აზერბაიჯანის პრეზიდენტის მოსაზრებაზე! ესაა რეალური მიზანი)
რას მისცემს სომხეთს აშშ-თან სამხედრო წვრთნების ჩატარება, როცა წინასწარვე ცნობილია, – ამ წვრთნებს სამხრეთ კავკასიის აფეთქება უდევს საფუძვლად?!
რატომ მიდიან თვითგანადგურებაზე სომხები, – რის სანაცვლოდ? რა შანსი აქვს დასავლეთს სამხრეთ კავკასიაში? განსაკუთრებით იდიოტებისთვის და იდეოლოგიით გამოთაყვანებულებისთვის შევნიშნავ, რომ დასავლეთს სამხრეთ კავკასიაში ნულოვანი შანსი აქვს! მისი არევა კი ერთადერთ მიზანს ისახავს -რუსეთისთვის პრობლემების შექმნას, და ესეც მხოლოდ პრობლემები იქნება მცირე ხნით! სომხეთის ხელისუფლება იმდენად ბრიყვია, რომ არ იცის, რა დღეშიც აგდებს საკუთარ ქვეყანას?
აზერბაიჯანის თავდასხმის შემთხვევაში, სომხეთს, – პოლიტიკური მიზნებიდან გამომდინარე, – მხოლოდ რუსები და ირანელები თუ დაიცავენ, – სხვა ვერავინ!
ასე, რომ დააკვირდით მოვლენებს! ასეა! მარიონეტი კვაზი-სახელმწიფოები ამ დიდ გადანაწილებას ვერ გაივლიან და დაასრულებენ საკუთარ არსებობას!”- წერს სოციალურ ქსელში დემურ გიორხელიძე.