სულ მცირე ოთხი ადამიანი დაიღუპა, კიდევ რამდენიმე კი დაშავდა ომანის დედაქალაქ მუსკატის ერთ-ერთ მეჩეთთან სროლის დროს. ინფორმაციას ამის შესახებ Deutsche Welle ავრცელებს.
ადგილობრივი მედია აგრეთვე აქვეყნებს ვიდეოს შემთხვევის ადგილიდან, რომელზეც ჩანს, თუ როგორ გარბიან სროლის ფონზე ადამიანები. „ომანის სამეფო პოლიციამ უკვე მოახდინა რეაგირება ინციდენტზე, რომლის დროსაც რაიონ ალ-ვადი ალ-ქაბირში მდებარე მეჩეთთან სროლა მოხდა“, – ციტირებს Deutsche Welle ადგილობრივ პოლიციას.
რა გახდა სროლის მოტივი, უცნობია. აშშ-ის საელჩომ ომანში უკვე გააფრთხილა საკუთარი მოქალაქეები, მოერიდონ შემთხვევის ადგილს.
აღსანიშნავია, რომ ამგვარი ინციდენტი ომანში იშვიათობაა. ეს არის ერთ-ერთი სტაბილური ქვეყანა ახლო აღმოსავლეთში. საერთაშორისო ასპარეზზე ომანი სხვადასხვა კონფლიქტების მიმართ ნეიტრალიტეტს ინარჩუნებს.