ნატო-ს ქვეყნები უკრაინის გრძელვადიანი სამხედრო მხარდაჭერის დაგეგმვის დაწყებაზე შეთანხმდნენ. ამის შესახებ ინფორმაციას Reuters ავრცელებს.
როგორც სააგენტო იტყობინება, გადაწყვეტილების მიუხედავად, იენს სტოლტენბერგის წინადადებას, უკრაინის დასახმარებლად 100 მილიარდიანი, ხუთწლიანი ფონდი შეიქმნას, არაერთგვაროვანი გამოხმაურება მოჰყვა.
უნგრეთის საგარეო საქმეთა მინისტრმა პიტერ სიიარტომ უკვე განაცხადა, რომ უნგრეთი მხარს არ დაუჭერს არცერთ წინადადებას, რამაც შესაძლოა ალიანსი ომთან დააახლოოს. ნატოს გენერალური მდივნის, იენს სტოლტენბერგის თქმით, მისი მიზანია, ნატოს წევრი ქვეყნების ლიდერებმა ივლისში დაგეგმილ სამიტზე მიიღონ გადაწყვეტილება.