დროებით ოკუპირებულ ყირიმში სარკინიგზო ლიანდაგზე აფეთქება მოხდა. ინფორმაციას ტელეგრამ არხი Baza ავრცელებს.
წინასწარი მონაცემებით, აფეთქება დაახლოებით 16 საათზე მოხდა.
აფეთქების შედეგად დაზიანდა სატვირთო ლოკომოტივი.
ყირიმის ე.წ ხელმძღვანელმა აქსიონოვმა განაცხადა, რომ მატარებლების მოძრაობა ამ ტერიტორიაზე შეჩერებულია. მგზავრებისთვის მოეწყობა ავტობუსების ტრანსფერი.
მისივე განცხადებით, აფეთქებას მსხვერპლი არ მოჰყოლია.