რუსეთის პრეზიდენტის პრესსპიკერი დიმიტრი პესკოვი არ გამორიცხავს, რომ უახლოეს მომავალში რუსეთის პრეზიდენტის, ვლადიმერ პუტინისა და თურქეთის პრეზიდენტის, რეჯეფ თაიფ ერდოღანის შეხვედრა გაიმართოს, თუმცა არ აკონკრეტებს, როდის შეიძლება, მოხდეს ეს.
„რაც შეეხება პუტინისა და ერდოღანის მომავალ შეხვედრას, ჩვენ არ გამოვრიცხავთ, ის უახლოეს მომავალში შედგეს“, – აღნიშნა პესკოვმა.
მისი თქმით, პუტინსა და ერდოღანს საკმაოდ ხშირი კომუნიკაცია აქვთ.
ცნობისთვის, დღეს სტამბოლში უკრაინის პრეზიდენტი ვოლოდიმირ ზელენსკი ჩადის, დაგეგმილია ორი ქვეყნის პირველი პირის პირისპირ შეხვედრა. საუბრის მთავარი თემა რუსეთ- უკრაინის ომი იქნება.