ვერძი
ამ დღეს პირად ურთიერთობებს განსაკუთრებული ყურადღება მიაქციეთ – შესაძლოა, ახლობელს თქვენი დახმარება სჭირდება, მაგრამ თქმა ერიდება. ინტუიცია გიკარნახებთ, როგორ შეათანხმოთ პირადი ამბიციები გარშემო მყოფთა სურვილებთან. მარტოხელა ვერძი შეიძლება განსაკუთრებულ ადამიანს შეხვდეს. გირჩევთ, დიეტის დაცვა დაიწყოთ და მარილიანი, ცხიმიანი და ცხარე საკვები შეზღუდოთ.
კურო
ამ დღეს რადიკალური მოქმედებაა საჭირო – თამამად იარეთ წინ და საკუთარი შეხედულებები დაიცავით. ნუ გარისკავთ – საეჭვო შეთავაზება არ უნდა მიიღოთ. მნიშვნელოვანი გადაწყვეტილების მიღებამდე კარგად დაფიქრდით და გამოცდილ ადამიანებს რჩევა ჰკითხეთ. ხელსაყრელი დღეა ჭარბ წონასთან ან მავნე ჩვევებთან ბრძოლის დასაწყებად. კომპიუტერთან მუშაობის დროს სიფრთხილე გამოიჩინეთ, რათა თქვენი პირადი ინფორმაცია სხვებისთვის ხელმისაწვდომი არ გახდეს.
ტყუპები
კარგი განწყობა და იუმორის გრძნობა ურთიერთობების გაუმჯობესებაში დაგეხმარებათ. ეცადეთ, გარშემო მყოფების მიმართ მეტი ყურადღება გამოიჩინოთ, მათი სურვილები და შესაძლებლობები გაითვალისწინოთ და კონფლიქტები თავიდან აიცილოთ. უმჯობესია, დიდი შესყიდვები სხვა დღისთვის დაგეგმოთ. ამ დღეს ნებისმიერი ფიზიკური აქტივობა სიამოვნებას მოგანიჭებთ – ამ გზით დაგროვილი სტრესისგან გათავისუფლდებით.
კირჩხიბი
უსიამოვნო შემთხვევამ შეიძლება განწყობა გაგიფუჭოთ, მაგრამ ინტუიცია და გამოცდილება პრობლემებთან გამკლავებაში დაგეხმარებათ. გადაწყვეტილების მიღებისას შინაგან ხმას ენდეთ – ეს შეცდომებს თავიდან აგაცილებთ. გირჩევთ ბავშვებს მეტი ყურადღება მიაქციოთ. კარგი იქნება, რომ თავისუფალი დრო მათთან ერთად გაატაროთ და მათ მცდელობებს მხარი დაუჭიროთ. გახსოვდეთ, რომ ნებისმიერი გადაწყვეტილების მიღებამდე სიტუაცია უნდა შეისწავლოთ.
ლომი
ამ დღეს რთული საკითხების გადაჭრა მოგიწევთ. სიფრთხილე გამოიჩინეთ იმ ადამიანებთან ურთიერთობაში, რომლებსაც კარგად არ იცნობთ – მოერიდეთ მათთან გულწრფელობას და პირად ინფორმაციას ნუ გაუზიარებთ. თუ შინაური ცხოველის შეძენაზე ოცნებობთ, ახლა ამისთვის შესაფერისი დროა. გირჩევთ, უფროსი ნათესავების ჯანმრთელობას მეტი ყურადღება მიაქციოთ.
ქალწული
ხელსაყრელი დღეა ცვლილებებისთვის, რომლებსაც დიდი ხანია გეგმავთ. ზოგი ქალწული სამუშაო ადგილს შეიცვლის, საკუთარ თავში ახალ ნიჭს აღმოაჩენს ან დამატებითი შემოსავლის წყაროს იპოვის. მთავარია, გულზე ხელებდაკრეფილი არ იჯდეთ და ახალი შესაძლებლობები ეძებოთ. გირჩევთ, პირად ურთიერთობებში მეტი ტაქტი და წინდახედულობა გამოიჩინოთ. თუ მთელ დროს უსაქმურობაში გაატარებთ, შეიძლება ამ დღემ ცვლილებების გარეშე, მაგრამ მშვიდად ჩაიაროს. იქნებ მართლა დასვენება ჯობს?
სასწორი
მნიშვნელოვანია, რომ ამ დღეს შინაგანი რესურსები რაციონალურად გამოიყენოთ, არ გადაიღალოთ და პირიქით, ძალები აღიდგინოთ. გადაუდებელი პრობლემები სწრაფად მოქმედებას და ყურადღების კონცენტრაციას მოითხოვს. პლანეტების გავლენა ნეიტრალურია – შეგიძლიათ, მიმდინარე საქმეები მშვიდად აკეთოთ და ჯანმრთელობაზე იზრუნოთ. ეცადეთ, სამსახურსა და პირად ცხოვრებას შორის ბალანსი დაამყაროთ. კარგად დაგეგმილი დღე დაგეხმარებათ, რომ სასურველ მიზანს მიაღწიოთ.
მორიელი
არასწორმა რჩევამ შეიძლება დაგაბნიოთ და შეცდომა დაგაშვებინოთ. ზოგი მორიელი საკუთარ ცხოვრებაში რაღაცის შეცვლას და მძაფრი შეგრძნებების დამატებას გადაწყვეტს. ემოციურ აღმაფრენას გრძნობთ, მაგრამ ეცადეთ, ზომიერების გრძნობა და გონიერება არ დაკარგოთ. ძველი გეგმების ან იდეების განხორციელება ფორმის შენარჩუნებაში დაგეხმარებათ.
მშვილდოსანი
ამ დღეს სხვა ადამიანების საქმეების მოგვარება დიდ დროს წაგართმევთ. ფინანსური მდგომარეობა ხელსაყრელია, ამიტომ შეგიძლიათ, თავს დაუგეგმავი შესყიდვების ან გართობის უფლება მისცეთ. შესაფერისი დღეა იმ ადამიანებთან შესახვედრად, რომლებზეც კარგი შთაბეჭდილების მოხდენა გსურთ.
თხის რქა
წარმატება, რომელსაც ამ დღეს მიაღწევთ, თავდაჯერებას შეგმატებთ. ახალი პროექტის დაწყების ან თამამი გეგმის განხორციელების დროა. ახლობლებს თქვენი დახმარება სჭირდებათ, ამიტომ მათთან ურთიერთობის დრო უნდა გამონახოთ. მოერიდეთ ოჯახის წევრებთან კამათს, განსაკუთრებით მათთვის მგრძნობიარე თემებზე, წინააღმდეგ შემთხვევაში ხანგრძლივ კონფლიქტს უნდა ელოდოთ. შეეგუეთ იმ აზრს, რომ ამ ეტაპზე უცებ და მარტივად გამდიდრების შანსი ძალიან მცირეა.
მერწყული
ხალხთან ურთიერთობის უნარი და მეგობრული დამოკიდებულება სასარგებლო კავშირების დამყარებაში დაგეხმარებათ. ხელსაყრელი დროა საყვარელი ადამიანის მშობლების გაცნობისთვის. გირჩევთ ფრთხილად და ყურადღებით იმუშაოთ, რადგან ამ დღეს დაშვებულმა შეცდომამ შეიძლება ფინანსურად დაგაზარალოთ. საღამოს უმარტივესი საყოფაცხოვრებო სამუშაოც კი შეიძლება წამებად და ნერვების გამოცდად იქცეს. ამიტომ ეცადეთ, სახლის საქმეები მინიმუმამდე შეამციროთ და საღამოს კარგად დაისვენოთ.
თევზები
ადაპტაციისა და კომპრომისების პოვნის უნარი სასურველი შედეგის მიღწევაში დაგეხმარებათ. შეეცადეთ მოერგოთ ცვლილებებს, რომლებიც ამ დღეს გელით. რთულ ვითარებაში შეგიძლიათ მეგობრების დახმარების იმედი გქონდეთ. ნუ აჩქარდებით – ეს რადიკალური ცვლილებებისთვის არახელსაყრელი დღეა. გაუთვალისწინებელმა მოვლენამ შეიძლება, სახლში სერიოზული კონფლიქტი გამოიწვიოს.