ვერძი
მთელი დღე კომპიუტერთან ჯდომა ან ტელევიზორის ყურება არასწორი არჩევანია. ეცადეთ, ეს დღე უფრო აქტიურად გაატაროთ. მაგალითად, მეგობრებთან და ნათესავებთან ერთად საინტერესო ღონისძიებას დაესწროთ. სანამ ადამიანებს პრეტენზიებს წაუყენებთ, კარგად დაფიქრდით, სამართლიანი ხართ თუ არა. ვარსკვლავები გირჩევენ, რომ პარტნიორის აზრს მეტი პატივი სცეთ.
კურო
სიახლეები, რომლებსაც ამ დღეს მიიღებთ, განწყობას გაგიუმჯობესებთ. პირად ურთიერთობებში თავდაჯერებულად მოქმედებთ და იცით, როგორ მოახდინოთ შთაბეჭდილება პარტნიორზე. გირჩევთ, ეს შანსი გამოიყენოთ. საღამოს მხოლოდ ის უნდა აკეთოთ, რაც მოგწონთ და გსიამოვნებთ. დაძაბული კვირის ბოლოს დასვენება ნამდვილად დაიმსახურეთ
ტყუპები
გირჩევთ, ურთიერთობაში საზღვრები დააწესოთ და გაარკვიოთ, რა არის დასაშვები და რა არა. ეს უხერხულობას და პრობლემებს თავიდან აგაცილებთ. ეცადეთ, ძალები რაიმე ახალ და უჩვეულო საქმეში მოსინჯოთ ან იქ წახვიდეთ, სადაც არასოდეს ყოფილხართ. მშვენიერი დღეა ახალი გამოცდილების მისაღებად. საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას არ უნდა დაუჯეროთ.
კირჩხიბი
საჭიროების შემთხვევაში, ზედმეტი გაუგებრობის თავიდან ასაცილებლად, ადამიანებისგან ახსნა-განმარტებები უნდა მოითხოვოთ. თანამოსაუბრე როგორი ახლობელიც არ უნდა იყოს, თავს ზედმეტის უფლებას ნუ მისცეთ. სასურველია, უხერხულ თმებზე საუბარს მოერიდოთ. ამ დღეს ყველაზე მეტად პრობლემებისგან თავის დაღწევა და მშვიდ გარემოში დასვენება გჭირდებათ.
ლომი
ილუზიებში ცხოვრების დრო დასრულდა. ეცადეთ, რეალობას მეტი ყურადღება მიაქციოთ და მიხვდებით, რომ ყველაფერი, რაც ბედნიერებისთვის გჭირდებათ, ცხვირწინ გაქვთ და ვერ ამჩნევთ. გირჩევთ, საკუთარი პრობლემები უახლოეს მეგობართან ერთად განიხილოთ – სავარაუდოდ, მისგან ფასეულ რჩევას მიიღებთ. ნუ დაეხმარებით ადამიანს, ვისაც თქვენი დახმარება არ სჭირდება. შეგიძლიათ, საკუთარი ენერგია ბევრად უფრო ნაყოფიერად გამოიყენოთ.
ქალწული
აკონტროლეთ საკუთარი სიტყვები, თუნდაც უახლოეს მეგობართან საუბრის დროს, რათა უნებურად, ვინმეს გული არ ატკინოთ. თუ ადამიანებს არ ეთანხმებით, შეგიძლიათ პირდაპირ უთხარით, მაგრამ ეს უხეშობის გარეშე უნდა გააკეთოთ. ვარსკვლავები მარტოსულ ადამიანებს თავგადასავლებს ჰპირდებიან, შეყვარებულებს – რომანტიკას. გირჩევთ, საკუთარ თავზე მეტი იზრუნოთ და თუნდაც უმნიშვნელო ჯანმრთელობის პრობლემა უყურადღებოდ არ დატოვოთ.
სასწორი
საკუთარი უნარების საჯაროდ დემონსტრირების არ უნდა მოგერიდოთ. შურიან ადამიანებს ყურადღებას ნუ მიაქცევთ, მთავარია, თქვენი საქმიანი თვისებები დამსაქმებლებმა შენიშნონ. ხელსაყრელი დღეა ფიზიკური დატვირთვისთვის, ამიტომ ეცადეთ, ვარჯიშის ან სახლის დასუფთავებისთვის დრო გამონახოთ.
მორიელი
თუ თქვენი ამჟამინდელი მდგომარეობით კმაყოფილი არ ხართ, ეცადეთ, საკუთარ ცხოვრებაში რაღაც შეცვალოთ. ახლა ამისთვის ხელსაყრელი დროა და შესაძლებლობა ხელიდან არ უნდა გაუშვათ. ახალი ურთიერთობის დაწყებას ნუ იჩქარებთ. ჯობს ჯერ ადამიანს დააკვირდეთ და მისი ხასიათი კარგად შეისწავლოთ. მოერიდეთ ურთიერთობების გარკვევას და არაკეთილგანწყობილ ადამიანებთან შეხვედრებს. ეცადეთ, სიმშვიდე შეინარჩუნოთ და წვრილმანებზე არ ინერვიულოთ.
მშვილდოსანი
შეიძლება ამ დღეს აღმოაჩინოთ, რომ ნაჩქარევი გადაწყვეტილება მიიღეთ. სავარაუდოდ, პრობლემის მოგვარების სხვა გზაც არსებობდა, რომელიც გამოგრჩათ ან არ იცოდით. თუ კარიერულ წინსვლაზე ოცნებობთ, ახლა ამისთვის შესაფერისი დროა. ვარსკვლავების მხარდაჭერით ამ დღეს ყველაზე რთულ და უსიამოვნო საქმეებსაც კი გაუმკლავდებით. შეგიძლიათ გარისკოთ და თამამი გეგმები განახორციელოთ.
თხის რქა
გაქცევას ნუ ეცდებით. დარჩით და მოლაპარაკება ბოლომდე მიიყვანეთ. ეს შეიძლება როგორც სამსახურს, ისე პირად ცხოვრებას ეხებოდეს. თუ საკუთარ სიმართლეში დარწმუნებული ხართ, ოპონენტთან კამათი არ მოგერიდოთ. ყურადღება მიაქციეთ ადამიანებს, რომლებიც პერსპექტიულ წინადადებას გთავაზობენ. სწორი მენეჯმენტის პირობებში ამან შეიძლება დამატებითი შემოსავალი მოგიტანოთ.
მერწყული
შესაძლოა, ამ დღეს განახორციელოთ იდეა, რომელზეც დიდი ხანია, ფიქრობთ. საპირისპირო სქესის წარმომადგენლებთან ურთიერთობა იძაბება. ეცადეთ, კომპრომისი იპოვოთ და კონფლიქტი თავიდან აიცილოთ. მნიშვნელოვანი საკითხის გადაჭრამდე მოსაფიქრებლად დრო ითხოვეთ და კითხვას მაშინვე ნუ უპასუხებთ.
თევზები
ფიქრობთ, რომ სათანადოდ არ დაგაფასეს? ახლა ყველაზე მეტად მხარდაჭერა გჭირდებათ, მაგრამ უნდა გახსოვდეთ, რომ საკუთარ თავს ყველაზე მეტად თავად დაეხმარებით. ამ დღეს ყველაზე მეტად პრობლემებისგან თავის დაღწევა და მშვიდ გარემოში დასვენება გჭირდებათ. ვარსკვლავები გირჩევენ, რომ ახლობლებთან სამომავლო გეგმებზე საუბრისგან თავი შეიკავოთ – შესაძლოა, სწორად ვერ გაგიგონ.